حمار بس إلو واسطة ...
--------------------------------------------------------------------------------
المذيع: السلام عليكم.
المدير: اهلين وعليكم السلام.
المذيع: انا جاي بدي اتقدم لوظيفة المذيع عندكم في المحطة.
المدير: طيب.... شو أسويلك يعني.
المذيع: شو شو تسويلي ... المفروض في امتحان بدي أقدمه.
المدير: لا ؟؟؟ في امتحان؟؟؟؟ يا سيدي منكم نستفيد. اتفضل اقعد، اقرألي تكست النشرة هاي. واعتبر حالك على الهوا.
المذيع: احنا عالهوا هلكيت؟؟؟؟؟؟.
المدير: ولك اعتبر حالك عالهوا اعتبر حالك. من وين بتيجي التياسة هي؟؟؟؟؟
المذيع: اه ماشي
المدير: يللا خلص اقرأ تكست النشرة.
المذيع: يا زلمة وبعدين فيك؟؟؟ شو يعني تكسي نشرة هاد؟؟؟؟؟
المدير:تكسي شو يا خوي؟؟؟؟ ولك تكست النشرة يعني النص. ... من وين بيترموا علينا هالناس.
المذيع: اه ماشي ماشي
المذيع: السلام عليكم ورحمة الله وبركاتَه نقدم ....
المدير: وبركاتَه؟؟؟
المذيع: اه وبركاتَه.
المدير: ولك وبركاتُه مش وبركاتَه.
المذيع: طيب، بس عندي اقتراح، شو رأيك نحذف هالجملة بلاش يتهمونا بالتطرف بعدين.
المدير:اه ... وشو نحط محلها؟؟؟؟؟
المذيع: ايش شباب ، مرحبا ، يمسيكو بالخير ، يصبحو..... يعني من هالشغلات.
المدير: يا سلاااااام ،،،، ولك انت غبي؟؟؟؟!!! في تلفزيون في الدنيا ببدا الكلام بـ ايش شباب وللا مرحبا،،،، والله ومرحبتين....
المذيع: يا هلا فيك استاذ.
المدير: اقعد انصرف كمل قراءة.
المذيع: السلام عليكم ورحمة الله وبركاته، هنا قناة الصمت العربي من ألقى هرةً ...
المدير: من ايش يا خوي؟؟؟
المذيع: ألقى هرةً.
المدير: لا ألقى كلبةً. ولك هاي القاهرة، اوصلها مش ألقى هرةً.
المذيع: آآآآآآه القاهرة، عاصمة العراق.
المدير: اه كمل.
المذيع: هنا قناة الصمت العربي من القاهرة، إليكم نشرة الأخبار وهذا موزها.
المدير: ييييييييييييييييه، شو موزها ؟؟؟؟؟؟؟؟؟ بدك تجلطني انت؟؟؟؟؟؟؟ ولك احنا عالبسطة شايفنا يا ..... محترم بنفعش نحكي غير هيك قدام الناس...... وإليكم موجزها مش موزها.
المذيع: طيب،،،،، وإليكم موجزها. كيف هيك؟؟؟؟؟
المدير: ألف ألف.
المذيع: قال ناطق باسم الجش بأن ....
المدير:شووووووووووووووو؟؟؟؟؟؟؟؟
المذيع: قال ناطق باسم الجش
المدير:ولك شو باسم الجش وينها هاي؟؟؟؟
المذيع: هيها.
المدير: ولك قال ناطق باسم الجيش.
المذيع: اه يعني أرفعها بالكسرة، بس مهو الحق عليكم انتو مش مشكلينها.
المدير: حقك علينا، المرة الجاي بنشكلها ،،، بس خلصني.
المذيع: قال ناطق باسم الجيش أن قوات حفظ السلام السو يديًّ....
المدير: نعم يا خوي،،، لا السو رجليًّ،،،،، ولك السويدية يا .... محترم، ،،،،،، احكيلك بلا هالخبر روحلي على خبر ثاني.
المذيع: ماشي ،، بس انت اصبر عليّ ،،، وراح تشوفني ... فلتة انا في الإذاعة.
المدير: والله شكلك فالت من المزرعة.
المذيع: صرحت أمّ ريكا أنها لن تخلي معتقل روحو نامو....
المدير: صرحت مين يا خوي؟؟؟؟؟؟
المذيع: أمّ ريكا
المدير: واني هاي أمّ ريكا.
المذيع: ول،،، مدير تلفزيون اضربو اطرح واجمع واقسم وبتعرفش اني هي أمّ ريكا
المدير: لا والله ما حصليش الشرف.
المذيع: أمّ ريكا.... مرت أبو ريكا،،
المدير: لا.... وإم ريتا شو بتقربلها بلا صغرة.
المذيع: بيكونو نسايبز
المدير: ولك يا غبي أمريكا مش أمّ ريكا،،، وبعدين غوانتنامو مش روحو نامو
المذيع: أي انتو بتشكلوش اشي.
المدير: لا صح الحق علينا،،، أحكيلك بطلت بدي مذيع،،،، قوم طير من هون قبل ما ابتلي فيك.
المذيع: هادا آخر كلام عندك؟؟؟؟
المدير: شو شايفني ببيعك في بكسة بندورة؟؟؟ روح روّح يلا ولا.
المذيع: حاضر،،، بس بدي أعطيك هالرسالة أول.
المدير: له وين يا زلمة، انا بس كنت بمزح معك،،، يا رجل مش هيك الدنيا،،، الحياة أخذ وعطا،،،، وبعدين مبين عليك مذيع ناجح وإلك مستقبل في الفضائيات.
المذيع: شكلو كان لازم اعطيك هالرسالة من زمان.
المدير: من مين هالرسالة بالله؟؟؟؟؟
المذيع: بدكاش تعرف أحسنلك
المدير: وأنا حكيت هعع هيك بردو.
(هذا مقطع من مسرحية تدعى : قناة صمت العرب الفضائية - لفرقة الاعتصام ,, أنصح الجميع بمشاهدتها ,, المسرحية جميلة جدا وذات مغزى ,, موقع الفرقة على الانترنت لمن لا يعرف هو :http://www.i3tesam.com/ ,, المسرحية موجودة بقسم المرئيات أنصح الجميع بمشاهدتها بالإضافة إلى مسرحية علماء على الهواء أيضا تجدوها على نفس الرابط ..)